دوشة يمكن ...بس فيها ناس بساط
ارضها حبة نشاره .....شوهت شكل البلاط
صعب تلمح فيها واحدة .... هي ضد الأختلاط
والغريب مافيهاش غريب.....كلهم نفس الملامح
ناس بترفض اي عيب .....قلبهم على طول مسامح
يرضوا ديما باللي جاي....ومش بيبكوا على اللي رايح
حبهم في القلب ابيض ..... مش من اللي بتاع مصالح
واللي في جيوبهم قليل .....بس عامل انجازات
مصاصاية في بوء عيل ......قسط في جهاز البنات
جزء من مصروف بيوتهم .....يدفن الجار اللي مات
دنيا ناسها معروفين......الغلابة الطيبين
اللي يصحوا الفجر يشقوا....ماينموش لو مديونين
هما دول نبض الشوارع.....هما دول اهلك يابلدي
ولما خصخصتي المصانع.....حضنهم بقى قهوة بلدي
منقول
ليست هناك تعليقات:
إرسال تعليق